Κοντάκιον
Ἀναστάσιμον.
Ἦχος βαρύς. Οὐκέτι φλογίνη ῥομφαία.
Ἦχος βαρύς. Οὐκέτι φλογίνη ῥομφαία.
Οὐκέτι
τὸ κράτος τοῦ θανάτου, ἰσχύσει κατέχειν τοὺς βροτούς· Χριστὸς γὰρ κατῆλθε
συντρίβων, καὶ λύων τὰς δυνάμεις αὐτοῦ· δεσμεῖται ὁ ᾅδης, Προφῆται συμφώνως
ἀγάλλονται· Ἐπέστη, λέγοντες, Σωτήρ, τοῖς ἐν σκότει· ἐξέρχεσθε οἱ πιστοὶ εἰς τὴν ἀνάστασιν.
Καὶ τοῦτο προλαβὼν Προφητάναξ ὁ Δαυῒδ ἔφη·
ὁ Ἱερεύς· Ἄρατε
πύλας οἱ ἄρχοντες ὑμῶν, καὶ ἐπάρθητε πύλαι αἰώνιοι, καὶ εἰσελεύσεται ὁ Βασιλεὺς
τῆς δόξης.
ὁ ὑποκρινόμενος· Τίς
ἐστιν οὗτος ὁ Βασιλεὺς τῆς δόξης;
ὁ Ἱερεύς· Κύριος
κραταιὸς καὶ δυνατός, Κύριος δυνατὸς ἐν πολέμῳ.
Ἄρατε πύλας οἱ ἄρχοντες ὑμῶν, καὶ ἐπάρθητε πύλαι αἰώνιοι, καὶ
εἰσελεύσεται ὁ Βασιλεὺς τῆς δόξης.
ὁ ὑποκρινόμενος· Τίς
ἐστιν οὗτος ὁ Βασιλεὺς τῆς δόξης;
ὁ Ἱερεύς· Κύριος
κραταιὸς καὶ δυνατός, Κύριος δυνατὸς ἐν πολέμῳ.
ὁ ὑποκρινόμενος· Πύλας
χαλκᾶς καὶ μοχλοὺς σιδηροὺς ἀπ᾿αἰῶνος κατέχω. Ψυχὰς αἰχμαλώτους καὶ δεσμίους
κέκτημαι ἀδηφαγῶς. Τῷ κέντρῳ τῆς ἁμαρτίας καὶ τοῦ θανάτου ἐκδειματοῦμαι καὶ
καθυποτάσσω ἅπαντας εἰς αἰώνιον νεῖκος. Οὐ στέργω.
ὁ Ἱερεύς· Ἄρατε
πύλας οἱ ἄρχοντες ὑμῶν, καὶ ἐπάρθητε πύλαι αἰώνιοι, καὶ εἰσελεύσεται ὁ Βασιλεὺς
τῆς δόξης.
ὁ ὑποκρινόμενος· Τίς
ἐστιν οὗτος ὁ Βασιλεὺς τῆς δόξης;
ὁ Ἱερεύς· Κύριος
τῶν δυνάμεων. Αὐτός ἐστιν ὁ Βασιλεὺς τῆς δόξης.
ὁ ὑποκρινόμενος· Ὢ
πυλωροί μου, διαπεφωνήκαμεν. Κατῃσχύνθημεν εἰς τέλος. Κατελύθημεν. Ἐκποδών
ἐγενόμεθα ὁλοτελῶς. Ἠφανίσθημεν ὁλοσχερῶς. Ἰδού, Βασιλεὺς τῆς δόξης ὁ
Ἐσταυρωμένος, ὁ Χριστός.
Εἶτα λαμβάνει μετὰ δέους
καὶ ἀπείρου εὐλαβείας τὸ Σῶμα τοῦ Κυρίου Ἰησοῦ
καὶ ἐπιθέτων αὐτὸ ἐπί τῆς
κεφαλῆς αὐτοῦ ἐκφωνεῖ:
ὁ Ἱερεύς· Πρόσχωμεν. Εἰρήνη πᾶσι. Σοφία.
Καὶ εἰσέρχεται εἰς τὸν
Ναὸν καὶ τὸ Θεῖον Βῆμα ψάλλων εὐκρινῶς καὶ εὐτόνως:
Ὅτε κατῆλθες πρὸς τὸν θάνατον, ἡ ζωὴ ἡ ἀθάνατος, τότε τὸν ᾋδην ἐνέκρωσας, τῇ ἀστραπῇ τῆς θεότητος, ὅτε δὲ καὶ τοὺς τεθνεῶτας ἐκ τῶν καταχθονίων ἀνέστησας, πᾶσαι αἱ Δυνάμεις τῶν ἐπουρανίων ἐκραύγαζον. Ζωοδότα Χριστὲ ὁ Θεὸς ἡμῶν, δόξα σοι.
